Organisashon
Huisartsenpost Curaçao, un logro revolushonario den kuido médiko di nos isla, a keda fundá riba 1 di yanüari 2024 bou di alanan di Ministerio di Salubridat, Medio Ambiente i Naturalesa. Fundá ku e nòmber ofisial Stichting Primary Care Curaçao, nos institushon ta sirbi komo símbolo di inovashon i dedikashon den kuido médiko. For di prinsipio nos meta tabata kla: Reforsá e kuido médiko urgente lokal den oranan di anochi, mardugá, wikènt i riba dianan di fiesta. Ku e vishon akí nos a pone nos mes pa mehorá aksesibilidat i kalidat di kuido urgente i asina kumpli ku un ròl esensial den nos komunidat.
Nos tim
Nos tim dinámiko i dediká ta forma e kurason latente di Huisartsenpost Curaçao. Konsistiendo di gerentenan eksperensiá, dòkternan altamente kualifiká i asistentenan di dòkter profeshonal, nos ta traha ku dedikashon sin igual pa ofresé kuido di kalidat haltu. Kada miembro di e tim ta trese un sèt úniko di kapasidatnan i ekspertisio, di forma ku nos por brinda un eskala amplio di servisionan médiko. Nos dòkter i asistentenan no ta solamente eksperto den nan ramo, pero tambe ta intensamente dediká na e bienestar di kada pashènt. Nos t’ei na Huisartsenpost Curaçao pa ofresé kuido di klase haltu, na unda ku salubridat i seguridat di nos komunidat semper lo ta na promé lugá.
Nos vishon
Nos meta ta pa revolushoná e kuido médiko urgente di promé liña na Kòrsou. Nos ta aspirá pa ta pioneronan den brinda solushonnan di kuido médiko urgente avansá i inovativo, spesífikamente dirigí riba mehorashon di salú i bienestar di nos komunidat durante di momentunan krítiko pafó di e oranan normal di trabou di dòkternan di kas.
Nos aserkamentu
Ku dedikashon pa aksesibilidat i kalidat, nos ta implementá práktikanan médiko di mas nobo i ta adaptá esakinan p’asina nan por kumpli ku e nesesidatnan spesífiko di komunidat di Kòrsou. Nos tim di profeshonalnan den kuido ta dediká na proveé seguridat na e pashènt, empatia i rèspèt den tur interakshon, kaminda nos ta sòru pa un eksperensia di kuido médiko urgente di promé liña atento i di kalidat haltu.
Nos mishon
Nos mishon na Huisartsenpost Curaçao ta reforsá e kuido médiko esensial urgente durante oranan di anochi, mardugá, fin di siman i dianan di fiesta. Nos tei pa intervení di forma efektivo na momentu di problemanan di salú urgente ku ta pone nos hunga un ròl krusial den kuido médiko pa nos komunidat. Usando práktikanan médiko i konosementu di mas nobo nos ta hasi esaki kontinuamente ku bista riba e mihó kuido pa e pashènt.
Dòkternan di kas afiliá
Huisartsenpost Curaçao ta traha ku dòkternan di kas afiliá. Primi aki pa un lista di nos dòkternan di kas afiliá.
Komo dòkternan di kas afiliá na Huisartsenpost Curaçao, nos ta duna balor na bo opinion i eksperensia. Si den kaso ku nos servisio no a kumpli ku bo ekspektativanan, nos ta invitá bo pa hasi esaki konosí serka nos. Bo opinion ta krusial pa nos por mehorá nos servisionan. Usa e formulario di keho pa duna un deskripshon detayá di bo kehonan, inkluso e fecha i e persona inbolukrá. Lo atendé bo aporte ku ta kontribuí na e kalidat di nos kolaborashon seriamente.
