Tur persona ku ta yama for di un number di telefòn internashonal, por drenta den kontakto ku nos via +5999 462 9252. Tene kuenta ku e number aki no ta grátis.

Kasonan urgente no ta forma peliger pa bida direktamente, pero si ta eksigí yudansa médiko urgente pa evitá dañonan severo. Den mayoria di e kasonan akí, dòkter di kas di e pashènt ta atendé ku esaki òf un ‘Huisartsenpost’ den oranan di anochi, mardugá, wikènt i riba dianan di fiesta nashonal. Lesa mas den nos sekshon di “Informashon pa pashènt”.

Triage ta enserá ku asistentenan di dòkter diplomá ta hasi preguntanan na e pashènt pa di e forma akí determiná si e kaso ta unu di urgensia médiko. Pa medio di un triage nos ta evaluá si ta konsiderá e situashon komo unu agudo i nos determiná tambe e urgensia. Por sosodé ku no ta klasifiká bo situashon komo unu urgente, pero e asistente di dòkter por asistí si dunando konseho tokante kiko bo por hasi mientras ku bo ta warda riba e sita ku bo dòkter di kas.

Un sita ta obligatorio: Yama 9252 (grátis) pa asina planeá bo konsulta urgente. Bo no por kana drenta Huisartsenpost Curaçao (HAP) sin un sita. Lo habri porta solamente den kaso ku bo tin un sita.